آآخر اخبار الجزيرة نت

الأحد، يوليو 26، 2009

سكتم ..... بكتم

















سكتم ...... بكتم



وبعد أن نجدد الترحيب بمحبين مدونة عاوز اعيش



واليوم اخترت لكم موضوع بعنوان سكتم .... بكتم



ذكرني هذا العنوان بقصة رجل ذهب ليطلب مبلغ من المال من احد اصدقائه البخلاء فلما
جلس اليه واقترب منه قال له اريد ان اطلب منك طلب علي أن يكون سر بيني وبينك ولا
تخبر به احد قال له البخيل: تفضل. قال: اني اريد مبلغا من المال لأشتري به طعاما لأولادي قال له البخيل : سأعتبر نفسي ما سمعت شيء .


ههههههههه وهكذا استطاع البخيل ان يرد صديقة بدون ان يعطيه شيءوبكل بروووووووود طبعا


وهكذا يتعامل النظام المصري مع ابناء شعبة فالشعب يصرخ ليل نهار (اللي يقول كفاية

- واللي يقول عاوزين شوية حرية في بلد تدعي الديمقراطية - واللي يقول لا للتوريث)

دا طبعا غير اللافتات مكتوب عليها: "مفيش شغل.. مفيش فلوس.. مفيش جواز.. مفيش سكن.. مفيش عدل" ويكون رد


النظام بكل بجاحة "مفيش فايدة "طبعا زي ما انتم عارفين " ودن من طين وآخرى من عجين"


طبعا الشعب بيصرخ ليلا نهارا من ما يراه في كل وقت ( نهب لخيرات البلد الي الخصخصة

الي البطالة الي الفقر الي الجوع الي الحوادث الي الإهمال الي الرشوة الي الوساطة..........يا تري الي فين رايحة مصر ما أحد يعرف !!!!!!!!!)


وليس ببعيد عن اسماعنا تلك المظاهرة النسوانية(شوف يا اخي آل يعني عاملين

رجالة) التي خرجت تطلب بعض الحرية في بلد "الديك رماطية"وتندد ببعض التصرفات

التي يقوم بها النظام فكانت النتيجة أن أصيبت خلالها ناشطات وتمزقت ملابسهن وتعرين في الشارع.


لا تعجب من هذه التصرفات لاننا في بلد تسمى مصر المحبوسة

يا تري متي سيأتي علي مصر وقت يستطيع كل انسان ان يعبر عما بداخلة بكل صراحة لا يخاف من سجن ولا من سجان

يقول لا للظلم لا للفقر لا للرشوة لا للمحسوبية

يقول نعم للعدل نعم للغني نعم للعمل والانتاج

وكل ما ارجوه من الله ان يأتي علي مصر يوم تتمتع فيه بالحرية الحقيقية ونعيش علي

تراب هذه البلد باريين بها حاملين رايتها مضحين من أجلها وبعد كل ده علي فكرة خليكم فاكرين انا عااااااااااااوز اعيش

الثلاثاء، يوليو 14، 2009

عنوان قصة حياتك










عنوان قصة حياتك يا تري ايه؟

بعد الترحيب بجمهور مدونة عاوز اعيش

تعالوا كل واحد منا يختار عنوان لقصة حياته

وأنا هبدأ اختار عنوان لقصة حياتي

الكفاح من اجل الحياة

طيب ليه أنا اختر هذا العنوان؟

في الحقيقة لأني مواطن مصري غلبان تخرجت من الكلية (بلاش احكيلك ما قبل الكلية وكيف استطعت أن أكمل مشوار

التعليم بفضل الله ) خلينا في ما بعد التخرج لم أجد عمل فبدأ مشوار الكفاح عملت في مدارس خاصة يعني( مص للدماء)

ثم موظف علي الدرجة الثالثة واما ادراك ما الدرجة الثالثة في مصر يعني المرتب لا يتعدى 375 جنية دا بعد التعيين 4

سنوات في الحكومة ( دا بعد ما كان المرتب 165 جنية) طبعا حضرتك مستغرب كيف واحد فاتح بيت وعنده طفلين

هيعرف يعيش بهذا المبلغ وعنده لستة فواتير ( كهرباء-مياة- تلفون- كشف وعلاج... وربنا يستر) وحضرتك

مستغرب أكثر هو منين حصل علي الزوجة والأولاد ومن قبلهم الشقة دا مشوار طويل ممكن احكيه في موضوع آخر

أكيد معظم شباب مصر( بالذات عن أي دولة اخري) كلهم في طريق الكفاح من اجل الحياة وذلك لان الحيتان الكبار لم

يتركوا شيء للسمك الصغير ولا حتي تركوهم في حالهم يعيشوا ولو بالقليل حتي القليل بخلو به .

انتظر من جمهور مدونة عاوز اعيش التفاعل مع هذا الموضوع وتعالوا كل واحد منا يختار عنوان لقصة حياته !!!!

تفضلوااااااااااااا يا كرااااااااااااااااام


السبت، يوليو 11، 2009

لماذا اخترت هذا العنوان؟













ليه انا عاوز اعيش؟!


في اول رسالة بعد الترحيب بجمهور مدونة عاوز اعيش

احب اوضح ليه انا اخترت هذا العنوان للمدونة؟

لأني عاوز اكون حر في بلدي

عاوز امشي مرة وانا اشعر بالامان

عاوز انام ليلة وانا في اطمئنان


عاوز اكتب كلمة حق لكل الانام


عاوز اشوف بلدي مش في يد السجان


ولكن للأسف دي كلها احلام

انا مش عاوز اكل مش عاوز اشرب مش عاوز احسان

انا عاوز اولا احس في بلدي اني بتعامل كانسان

ده هو السبب أني اطلب ان اعيش فتعالوا بنا نعيش مع الحق نقول وما نخاف نكتب وما نهاب سجان ونقول للظالم كفاية

حرمان ونقول للحرية اظهري عليكي الامان

نعم انا عاااااااااااااااااوز اعيش واكيد انتم كمان عاوزين تعيشوا في جو من الامان

بصراحة انا قررت ان اعيش واكسر كل القيود هعبر عن ما بداخلي بكل وضوح وحتي لو مت اكيد كلمة الحق هتعيش

واكيد انتم هتكونوا فكرين اني مدون حر كان نفسه يعيش

الخميس، يوليو 09، 2009

بسم الله بدأنا ....


مدون محب لبلده

بسم الله الرحمن الرحيم

"ربنا افتح بيننا وبين قومنا بالحق وانت خير الفاتحين "

صدق الله العظيم

يارب وفقنا لما تحبه وترضاه

يارب استعملنا ولا تستبدلنا

يارب لا تجعل الدنيا اكبر همنا ولا مبلغ علمنا ووفقنا لما تحبه وترضاه

امين يارب العالمين